ELKARGOKIDE TXARTELA

Elkargoak kide guztien identifikazio-txartelak berrituko ditu. Egungo txartela une hartako beharretarako irtenbide egoki gisa diseinatu zen, baina denborak aurrera doaz eta beharrak aldatu egiten dira.

Diseinu zaharrak gabezia garrantzitsuak ditu, hala nola identifikazio-argazkirik eta sinadurarik ez izatea; horrek berriz diseinatzea gomendatzen du, Elkargoari eta bere kideei segurtasun handiagoa emateko. Aldaketa hauek, zalantzarik gabe, txartelaren egungo erabilera-operatiboa zabaltzea ahalbidetuko dute, eta Elkargoaren egunerokoan tresna erabilgarriagoa bihurtuko da.

Aldaketa honekin, txartel zaharrak indarraldia galduko du eta, beraz, ez du balioko kideak identifikatzeko, txartela eskatzen den elkargoko jarduera guztietan.

Horretarako, Elkargoaren webgunearen barruan atal hau gaitu da. Bertan, kideek txartel berria eskatzeko inprimaki batera sartu ahal izango dute. Inprimaki horretan, Elkargoan erregistratutako datuak zuzenak diren egiaztatu beharko da, eta beharrezkoa bada, aldatzea eskatu beharko da. Behar duten elkargokideek Elkargoko bulegoetara bertaratuta egin ahal izango dute.

Gainera, derrigorrezkoa izango da 400x580px-ko argazki eguneratua (zabalera x altuera) txartel-tamainan (NAN) eta 400x190px-ko sinadura eskaneatua (zabalera x altuera) eranstea, biak .jpg irudi-formatuan.

Eskatutako epearen barruan izena eman ez zutenentzako kide-txartelaren prezioa 5 euro izango da, eta Elkargoko kuotak helbideratuta dituzten kontuan kobratuko da.

Izen-emate berrietatik aurrera, txartelak fase desberdinetan eskatuko dira, sortak osatzen direnean, eta jaso ondoren, posta arruntez bidaliko dira.